Prezident başda olmaqla, bütün məmurlar xalqın xidmətçiləridir. Biz öz işimizlə, öz fəaliyyətimizlə doğma xalqımıza ləyaqətlə xidmət etməliyik və ölkəmizdə vətəndaş cəmiyyətinin formalaşması işində səyləri davam etdirməliyik. Mən hər bir məmurdan tələb edirəm ki, öz vəzifə borcuna vicdanla yanaşsın, insanları narahat edən problemləri həll etsin. Bütün ərizə və müraciətlərə vaxtlı-vaxtında cavab versin. Xalqa və dövlətə ləyaqətlə xidmət etsin.
Korrupsiya və rüşvətxorluğa qarşı mübarizə daha da ciddi aparılmalıdır. Rüşvətxor məmurların ifşa olunması istiqamətində atılan addımlar məni qane etmir. Əgər yerlərdə rüşvətxor məmurlar iqtisadi islahatların aparılmasına imkan yaratmırsa, onda bizim heç bir planımız, proqramımız həyatda öz əksini tapa bilməz.

Korrupsiyaya qarşı mübarizənin aparılması, nəticələr və proqnozlar barədə Yevlaxın EL telekanalında reportaj yayımlanmışdır. Verilişdə Korrupsiyaya qarşı Mübarizə Fondunun ekspertləri iştirak edirlər.

Videonu izlə

Azərbaycanda korrupsiyaya qarşı mübarizə ilə bağlı ilin yekunu - nəticələr, proqnozlar barədə "Azadlıq" radiosunun "Şəffaflıq" verilişində Korrupsiyaya qarşı Mübarizə Fondunun icraçı direktoru Vasif Mövsümovun müsahibəsində dinləyə bilərsiniz.

DİNLƏ

Aşkarlıq və şəffaflıq korrupsiyanın qarşısını alan ən effektli vasitədirlər. Bu səbəbdən korrupsiya ilə mübarizədə Media müstəsna rola malikdir. Lakin jurnalist korpusunun imkanlarından düzgün və səmərəli istifadə olunması da vacibdir. Korrupsiya-rüşvət ümumi qlobal xəstəlik olsa da hər bir ölkədə ona qarşı fərqli müalicə üsulları tətbiq edilməlidir. Bu həmin xalqın tarixi yaşam tərzi, ictimai inkişafı, milli psixologiyası, mövcud siyasi durumu və sair şərtlərdən asılıdır.
Azərbaycan reallığında Medianın əsas vəzifələrindən başlıcası insanları fəallığa təşviq etməkdir, onlarda ümidsizlik-təslimçilik deyil, qalibiyyət ruhu yaratmaqdır. Yalnız mənfi halların sıralanması yox, uğurlu mübarizə nümunələrinin cəmiyyətə çatdırılması, korrupsiyanın məğlubiyyətləri daha çox işıqlandırılmalıdır. Bu digər vətəndaşlara da yol göstərər, onları ürəkləndirər, maarifləndirər və bu minvalla korrupsiya əleyhinə cəbhəyə yeni-yeni qüvvələr cəlb edə bilər.

Korrupsiyaya qarşı Mübarizə Fondunun da fəaliyyətini əks etdirən videonu izlə

Korrupsiyaya Qarşı Mübarizə Fondu “Regionlarda şəffaflığın artırılması və korrupsiyaya qarşı mübarizə üzrə Milli Strategiyanın maarifləndirilməsi” layihəsi çərçivəsində 9 Dekabr Beynəlxalq Korrupsiyaya qarşı Mübarizə Günündə növbəti dəyirmi masanı Ağdaş şəhərində keçirmişdir. Ağdaş rayonunda korrupsiyaya qarşı mübarizə ilə bağlı belə geniş formatlı bir tədbirin ilk dəfə keçirilməsi rayon ictimaiyyəti arasında xüsusi maraq doğurmuşdur. Tədbirdə əksər yerli dövlət orqanlarının, ictimaiyyətin, KİV-in və regional telekanalların da nümayəndələri iştirak etmişlər. Dəyirmi masada edilən çıxışlarda diqqət çəkən məqamlardan biri o idi ki, yerli dövlət orqanları öz fəaliyyətlərində şəffalıq prinsiplərinə əməl etmək üçün vətəndaş cəmiyyəti ilə əməkdaşlıq təklif edirdilər. Bu da məmurlar tərəfindən qanunların icrasına ictimai nəzarətin təşkilinə zəmin yaradır. Tədbirdə ötən müddət ərzində ölkədə korrupsiyaya qarşı mübarizənin vəziyyəti və bu istiqamətdə Fondun həyata keçirdiyi tədbirlər barədə məlumat verildi. Qeyd olundu ki, əhaliyə hüquqi yardım göstərmək üçün Fondun Ağdaş rayonu və ətraf regionlarda fəaliyyəti genişləndirilsin. Yerli dövlət orqanları ilə korrupsiyaya qarşı mübarizə sahəsində əməkdaşlıq etmək üçün Korrupsiyaya qarşı Mübarizə Fondunun regional nümayəndəliyinin təşkil olunması qərara alındı.

Vasif Mövsümov: “Korrupsiyaya qarşı mübarizənin effektivliyini artırmaq üçün inzibati tədbirləri daha da gücləndirmək lazımdır”
Cari ilin ilk aylarında korrupsiya və rüşvətxorluğa qarşı mübarizə istiqamətində həyata keçirilən tədbirlərin son vaxtlar bir qədər azalması bəzi qüvvələr tərəfindən sözügedən mübarizənin kampaniya xarakterli olduğu barədə rəyin formalaşdırılmasına yol açıb. İddia edilir ki, həmin ərəfədə ərəb ölkələrində baş verən hakimiyyət dəyişikliklərindən ehtiyatlanan ölkə iqtidarı cəmiyyətin diqqətini ərəb ölkələrindən yayındırmaq məqsədilə korrupsiya və rüşvətxorluğa qarşı kampaniya xarakterli mübarizəyə başladı. Son vaxtlar sözügedən istiqamətdə həyata keçirilən tədbirlərin bir qədər az müşahidə edilməsi də məhz bu cür qiymətləndirilir.

Tədbirdən olan video-çəkilişi aşağıdakı linklərdə izləyə bilərsiniz

İzlə-1

İzlə-2

Korrupsiyaya Qarşı Mübarizə Fondu “Regionlarda şəffaflığın artırılması və korrupsiyaya qarşı mübarizə üzrə Milli Strategiyanın maarifləndirilməsi” layihəsi çərçivəsində növbəti dəyirmi masanı Balakən şəhərində keçirmişdir. Tədbir AR Prezidenti yanında QHT-lərə Dövlət Dəstəyi Şurasının maliyyə dəstəyi ilə baş tutmuşdur. Balakən rayonunda korrupsiyaya qarşı mübarizə ilə bağlı belə geniş formatlı bir tədbirin ilk dəfə keçirilməsi yerli əhali arasında xüsusi maraq doğurmuşdur. Tədbirdə əksər yerli dövlət orqanlarının, ictimaiyyətin, KİV-in və regional telekanalların da nümayəndələri iştirak etmişdir. Tədbirdə edilən çıxışlarda diqqət çəkən məqamlardan biri o idi ki, yerli dövlət orqanları öz fəaliyyətlərində şəffalıq prinsiplərinə əməl etmək üçün vətəndaş cəmiyyəti ilə əməkdaşlıq təklif edirdilər. Bu da məmurlar tərəfindən qanunların icrasına ictimai nəzarətin təşkilinə zəmin yaradır. Tədbirdə ötən müddət ərzində ölkədə korrupsiyaya qarşı mübarizənin vəziyyəti və bu istiqamətdə Fondun həyata keçirdiyi tədbirlər barədə məlumat verildi.
Korrupsiyaya qarşı Mübarizə Fondunun rayonda apardığı araşdırmaların nəticəsi olaraq demək olar ki, son aylarda Balakən rayonunda əhalinin şikayətlərinə baxılması sahəsində nəzərə çarpacaq müsbət dəyişikliklər baş vermişdir. Belə ki, Fondun müşahidələri göstərir ki, bir sıra regionlardan fərqli olaraq, burada intensiv abadlıq işləri görülməsinə baxmayaraq, büdcə təşkilatlarında çalışanlardan və sahibkarlardan qanunsuz olaraq pul yığılmır. Buna görə də vətəndaşlarla olan söhbətlərdə hiss olundu ki, əhali rayondakı vəziyyət barədə müsbət fikirdədir. Tədbirdə Fondun Balakəndə fəaliyyətinin genişləndirilməsi və yerli dövlət orqanları ilə korrupsiyaya qarşı mübarizə sahəsində əməkdaşlıq etməsi qərara alındı.

Ölkədə korrupsiyaya qarşı mübarizənin vəziyyəti və daha hansı tədbirlər görməyin vacib olması ilə bağlı Korrupsiyaya qarşı Mübarizə Fondunun icraçı direktoru Vasif Mövsümovun Azadlıq radiosuna müsahibəsi.

Dinlə

Tədbirdən olan video çəkilişi buradan izləyə bilərsiniz

İzlə-1

İzlə-2

İzlə-3

Korrupsiyaya Qarşı Mübarizə Fondu AR Prezidenti yanında QHT-lərə Dövlət Dəstəyi Şurasının maliyyə dəstəyi ilə “Regionlarda şəffaflığın artırılması və korrupsiyaya qarşı mübarizə üzrə Milli Strategiyanın maarifləndirilməsi” layihəsi çərçivəsində növbəti tədbirini Xaçmaz şəhərində keçirmişdir. Hüquq- mühafizə və bəzi yerli dövlət orqanlarının, ictimaiyyət və KİV-in nümayəndələrinin də iştirak etdiyi tədbirdə ötən müddət ərzində ölkədə korrupsiyaya qarşı mübarizənin vəziyyəti və bu istiqamətdə Fondun həyata keçirdiyi tədbirlər barədə məlumat verildi. Ölkə miqyasında korrupsiyaya qarşı mübarizə tədbirləri güclənsə də, ictimaiyyətin korrupsiyaya müqavimətinin lazımi səviyyədə olmadığı qeyd olundu. Öz növbəsində məmurların da korrupsiyaya qarşı mübarizə siyasətinə müqavimətinin artdığı, bu istiqamətdə hələ də xeyli işlərin görülməli olduğu və gələcəkdə də bu kimi layihələr həyata keçiriləcəyi bildirilmişdir.

Azərbaycanda 2004-ci il yanvarın 30-da Korrupsiyaya Qarşı Mübarizə haqda Qanun imzalandı. Bu qanunun qəbulu ölkədə korrupsiyaya qarşı mübarizəyə start verilməsi demək idi. Bundan öncə də ayrı-ayrı fərmanlar imzalanmış, rüşvət almaq və verməyin cinayət əməli olması Azərbaycanın cinayət məcəlləsində xüsusi maddələrlə göstərilmişdi. Amma bu barədə ayrıca qanunun imzalanması həm də dövlət üzərinə məsiliyyət qoydu.
Eyni zamanda, Azərbaycan Avropa Şurasının korrupsiya ilə mübarizə üzrə 2 konvensiyasına qoşuldu, Dünya qarşısında bir öhdəçilik götürdü. Və belə bir məqamda əsas məsələlərdən biri də vətəndaş fəallığının artırılması idi. Bu cür vətəndaş mübarizliyini təmsil edən bir təşkilatın – “Korrupsiyaya Qarşı Mübarizə Fondu” - nun təsis olunması da məhz həmin ərəfəyə təsadüf etdi. Müsahibimiz Fondun icraçı direktoru Vasif Mövsümovdur.

- Vasif müəllim, ilk olaraq fəaliyyətə nədən başladınız?

Korrupsiyaya qarşı mübarizə Fondunun hüquqşünası Nəzirməmməd Kazımovun Azadlıq radiosunun "Şəffaflıq" verilişinə olan müsahibəsini buradan dinləyə bilərsiniz.

Dinlə

Bakıda Şəmsi Bədəlbəyli küçəsi 104 ünvanda yaşayan hüquqşünas Nəzirməmməd Kazımovun dediyinə görə, qonşuluqda yerləşən ərzaq mağazasının ərazisinin qanunsuz artırılması ilə onun evinin pəncərəsi tamamilə bağlanıb. O, günəş işığından və təmiz havadan məhrum olub.
ŞİKAYƏT YENƏ ŞİKAYƏT OLUNANIN ÜSTÜNƏ GÖNDƏRİLİB
Tikilinin Nəsimi rayon Icra Hakimiyyətinin himayəsi ilə aparıldığını iddia edən hüquqşünas bu barədə bir neçə dəfə Korrupsiyaya Qarşı Mübarizə üzrə Dövlət Komissiyasına müraciət də edib. Dediyinə görə, hər dəfə də müraciətləri cavabsız qalıb. Təmsil olunduğu qurumun korrupsiyaya qarşı mübarizədə əməkdaşlıq etdiyi dövlət qurumundan cavab gəlməməsi onu xeyli təəccübləndirib. Bundan sonra hüquqşünas məsələni özü araşdırmağa başlayıb. Məlum olub ki, Dövlət Komissiyasına göndərdiyi məktub hər dəfə Nəsimi rayon İcra Hakimiyyətinə yönəldilib. Amma adı rayon icra hakimiyyəti bu barədə hər hansı addım atmayıb:

Korrupsiyaya qarşı Mübarizə Fondu Azərbaycan Respublikası Prezidenti yanında QHT-lərə Dövlət Dəstəyi Şurasının maliyyə dəstəyi ilə “Regionlarda Şəffaflığın artırılması və korrupsiyaya qarşı mübarizə üzrə Milli Strategiyanın maarifləndirilməsi” layihəsini həyata keçirir. Bu layihəni həyata keçirməkdə əsas məqsəd dövlət başçısı tərəfindən korrupsiyaya qarşı mübarizə siyasətinin yerlərdə həyata keçirilməsinin monitorinqini aparmaqla ictimai nəzarəti təşkil etmək və korrupsiyaya qarşı mübarizədə əhaliyə hüquqi yardım göstərməkdir. Layihə çərçivəsində növbəti dəyirmi masa Sumqayıt şəhərində QHT-lərin, KİV-lərin, sahibkarların, müxalifətin, yerli dövlət orqanlarının, o cümlədən, hüquq- mühafizə orqanlarının, təhsil, səhiyyə və digər müəssisələrin nümayəndələrinin iştirakı ilə keçirildi. Tədbirdə “Milli Strategiya”nın icra vəziyyəti iştirakçılar tərəfindən müzakirə olundu. Debat şəklində keçirilən tədbir qızğın müzakirələrlə yadda qaldı. Belə ki, korrupsiyaya qarşı mübarizə ilə bağlı olan tədbirlərə xüsusi marağı ilə seçilən sahibkarlar müzakirələrdə daha fəal iştirak etdilər. Maraqlısı odur ki, bütün tərəfləri təmsil edən çıxışçılar ölkə başçısının korrupsiyaya qarşı mübarizə ilə bağlı siyasi iradəsini bu mübarizədə mühüm hadisə hesab edirlər. Bundan başqa, dövlət məmurlarının belə açıq diskussiyalardan yayınmağa çalışmaması, əksinə fəallıq göstərən tərəf kimi çıxış etməsi tədbirə marağı artırırdı. Belə ki, tədbirdə Sumqayıtın kommunal xidmət müəssisələrinin və digər yerli dövlət idarələrinin, sahibkarların, siyasi və ictimai təşkilatların nümayəndələrinin çıxışları yadda qaldı.
Bütün çıxışlar, təkliflər və müzakirələrdən belə nəticə çıxarmaq olar ki, korrupsiyaya qarşı mübarizədə irəliyə doğru müəyyən addımlar atılsa da, amma hələ də korrupsiyaya qarşı mübarizənin vəziyyəti “Milli Strategiya”nın və Prezidentin korrupsiyaya qarşı mübarizə təşəbbüsünün tələblərinə uyğun deyildir.

Regional telekanal "Dünya" TV-nin tədbirdən hazırladığı video-materialı da diqqətinizə çatdırırıq.

İZLƏ

Gəncə KTV-nin bu tədbiri işıqlandırmasını buradan izləyə bilərsiniz

İzlə

Gəncə ATV-nin bu tədbiri işıqlandırmasını buradan izləyə bilərsiniz

İzlə

Korrupsiyaya qarşı Mübarizə Fondu Azərbaycan Respublikası Prezidenti yanında QHT-lərə Dövlət Dəstəyi Şurasının maliyyə dəstəyi ilə “Regionlarda Şəffaflığın artırılması və korrupsiyaya qarşı mübarizə üzrə Milli Strategiyanın maarifləndirilməsi” layihəsini həyata keçirir. Layihə çərçivəsində Gəncə şəhərində yerli dövlət orqanlarının, ictimaiyyətin, KİV-in, sahibkarların iştirakı ilə dəyirmi masa keçirildi. Tədbirdə “Milli Strategiya”nın icra vəziyyəti iştirakçılar tərəfindən müzakirə olundu. Debat şəkildə keçirilən tədbir qızğın müzakirələrlə yadda qaldı. Belə ki, tədbir iştirakçıları müzakirələr zamanı tez-tez korrupsiyanın həm nəzəri məqamlarına, həm də real nəticələrə müraciət etməklə fikirlərini əsaslandırmağa çalışırdılar.

Korrupsiyaya qarşı Mubarizə Fondunun Icraçı Direktoru Vasif Mövsümovun Azərbaycanda korrupsiyaya qarşı mübarizənin vəziyyəti ilə bağlı Azadlıq radiosunun Şəffafllıq verilişinə musahibələri

Dinlə

Dinlə